काभ्रेपलाञ्चोक । पहिरो खसेपछि अरनिको राजमार्गअन्तर्गत धुलिखेल–खावा सडकखण्ड पूर्णरूपमा अवरूद्ध भएको छ।
धुलिखेल नगरपालिका–८ जिप्लाङनजिकै सडक माथिबाट ढुंगामाटोसहितको पहिरो खसेपछि सडक अवरूद्ध भएको जिल्ला प्रहरी कार्यालय काभ्रेपलाञ्चोकले जनाएको छ ।
पहिरोका कारण सडकमा सवारीसाधन सञ्चालन हुन सकेका छैनन् । राजमार्ग अवरुद्ध भएपछि धुलिखेलतर्फ तथा खावातर्फ जाने–आउने सवारीसाधन रोकिएका छन् ।
पहिरो पन्छाएर सडक खुलाउने प्रयास भइरहेको प्रहरीले जनाएको छ ।
