सुदूरपश्चिममा भारतबाट फर्किएका थप ४ जनामा कोरोना संक्रमण

काठमाडौं । सुदूरपश्चिम प्रदेशमा पछिल्लो २४ घण्टामा थप चार जनामा कोरोना संक्रमण पुष्टि भएको छ । संक्रमण पुष्टि हुने सबै भारतबाट आएका पुरूष रहेका सुदूरपश्चिम प्रदेश स्वास्थ्य निर्देशनालय महामारी सम्पर्क व्यक्ति हेमराज जोशीले जानकारी दिनुभयाे ।

त्रिनगर नाकामा तीन र एकजनाको झुलाघाट नाकामा एन्टिजेन परीक्षण गर्दा संक्रमण पुष्टि भएको हो । संक्रमितहरू कञ्चनपुर, अछाम र बझाङका रहेको जोशीले जानकारी दिनुभयाे । ‘शंकास्पद व्यक्तिको एन्टिजेन किटमार्फत परीक्षण गर्दा पाँच जनामा कोभिड पुष्टि भएको छ, संक्रमितलाई ‘होम आइसोलेसन’ बस्न भनिएको छ,’ उहाँले भन्रुभयाे । यसअघि शुक्रबार पाँच, बिहीबार एक र बुधबार तीन जनामा संक्रमण देखिएको थियो ।

स्वास्थ्य तथा जनसङ्ख्या मन्त्रालय स्वास्थ्य सेवा विभागले संक्रमणको महामारी निम्तन सक्ने साम्भव्यतालाई मध्यनजर गर्दै मातहतका कार्यालय, अस्पताल र प्रयोगशाला तयारी अवस्थामा रहन निर्देशन दिएको छ ।