काठमाडौं । सम्पत्ति शुद्धीकरण अनुसन्धान विभागले पूर्वप्रधानमन्त्री शेरबहादुर देउवाका छोरा जयविरलाई पनि पत्र काटेको छ ।
सोमबार विभागका अधिकारीहरूले बुढानिलकण्ठ नगरपालिका-२ स्थित भत्काउँदै गरेको निवास बाहिर सूचना टाँस गरिएको हो ।
योसँगै जयविरमाथि पनि सम्पत्ति शुद्धीकरणको कसुरमा अनुसन्धान सुरू भएको हो ।
जयविरलाई ७ दिनभित्र विभागको कार्यालय हरिहरभवन ललितपुरमा उपस्थित हुन पत्र लेखिएको छ ।
बयानका लागि नआए कानुन बमोजिम कारबाही हुने विभागले जनाएको छ ।
बूढानीलकण्ठस्थित खण्डहर बनेको देउवा निवासमा विभागले सूचना टाँसेको छ ।
