Advertisiment

सन्दीप लामिछानेको बलिङ वरियता खस्कियाे


काठमाडाैं ।  नेपाली क्रिकेट हस्ती एवं लेग स्पिनर सन्दीप लामिछानेको बलिङ वरियता खस्किएको छ ।

अन्तर्राष्ट्रिय क्रिकेट परिषद् (आईसीसी)ले सार्वजनिक गरेको टी–२० बलिङ वरियतामा सन्दीप एक स्थान तल झरेका छन् ।

नयाँ वरियतामा सन्दीप ८०औं स्थानमा छन् । उनले कुल ३८९ रेटिङ अङ्क पाएका छन् । यसअघि आईसीसीले सार्वजनिक गरेको वरियतामा सन्दीप ७९औं स्थानमा थिए ।

हाल क्यारेवियन प्रिमियर लिग (सीपीएल) खेल्ने क्रममा सन्दीप ट्रिनिडाड एण्ड टोबागोमा छन् ।

उनले यो प्रतियोगिताको ११ खेलमा १२ विकेट लिएका छन् ।

यस्तै विश्व बलिङ वरियतामा अफगानिस्तानका राशिद खान र मुजिबउर रहमान क्रमशः पहिलो र दोस्रो स्थानमा छन् । दुवै जना हाल सीपीएल खेलिरहेका छन्।

सीपीएलमा राशिदले बार्बाडोसबाट तथा मुजिबउरले जमैकाबाट खेलिरहेका छन्।

आईसीसीको बलिङ वरियतामा अष्ट्रेलियाका एस्टन अगर तेस्रो, दक्षिण अफ्रिकाका ताब्रेज सामी चौंथो तथा अष्ट्रेलियाकै एडम जाम्पा पाँचौं स्थानमा छन् ।

आईसीसीले जारी गरेको ब्याटिङ वरियतामा नेपालका पूर्वकप्तान पारस खड्का ७०औं स्थानमा छन्। उनको ४०० रेटिङ अङक छ ।

इंग्ल्यान्डका डाविड मालन टी–२० ब्याटिङ वरियताको शीर्ष स्थानमा छन्।

पाकिस्तानका बाबर आजम दोस्रो स्थानमा छन् । यस्तै, टी–२० वरियतामा नेपाल १५औं स्थानमा यथावत छ ।

यसअघि नेपाल विश्व बलिङ बरियतामा ११औं स्थानसम्म पुगिसकेको छ । शीर्ष वरियतामा भने अस्ट्रेलिया छ ।

वरियतामा इङ्ल्याण्ड दोस्रो, भारत तेस्रो, पाकिस्तान चौंथो र दक्षिण अफ्रिका पाँचौं स्थान छ ।

तपाईंलाई यो सामग्री पढ्दा कस्तो लाग्यो ?

Advertisiment