चौरजहारी घटनाको प्रतिवेदन छानबिन समितिले दुई सातामा बुझाँउछ : गृहमन्त्री(भिडियाे)

पढ्न लाग्ने समय : मिनेट

काठमाडाैं । गृहमन्त्री रामबहादुर थापा बादलले रूकुम पश्चिमको चौरजहारी नगरपालिका वडा नम्बर १० मा भएको घटनाबारे उच्चस्तरीय छानबिन समितिले दुई सातामा प्रतिवेदन दिने बताउनुभएकाे छ ।

गृह मन्त्रालयले सहसचिवको नेतृत्वमा पाँच सदस्यीय छानबिन समिति गठन गरेको छ।

मंगलबार संसदमा सांसदका प्रश्नमाथि जवाफ दिएका गृहमन्त्री थापाले दुई सातामा समितिले प्रतिवेदन दिने बताउनुभएकाे हाे ।

जाजरकोटका २१ वर्षीय युवा नवराज विकसहित तीन जनाको मृत्यु र ३ जना बेपत्ता भएको घटना छानबिन गरी दोषीमाथि कारबाही गरिने थापाले बताउनुभयाे ।

नवराज आफ्ना १८ जना साथीसहित चौरजहारीस्थित प्रेमिकाको घर गएपछि गाउँलेहरूले उनीहरूमाथि कुटपिट गरेका थिए।

घटनालाई राजनीतिकरण गर्न नहुने गृहमन्त्री थापाले बताउनुभयाे ।

गृहमन्त्री थापाकाे जवाफ र सांसदले प्रतिनिधिसभा बैठकमा उठाएका प्रश्न याे भिडियाेमा हेराैंः

प्रतिनिधि सभाको अर्को बैठक(लाइभ)

प्रतिनिधि सभाको बैठक, २०७७ साल जेठ १३ गते मंगलबार

Gepostet von Naya Sanchar am Dienstag, 26. Mai 2020