दिल्लीस्थित पाकिस्तानी दुतावासमा कार्यरत आधा कर्मचारी निष्काशन गर्ने भारतको निर्णय

पढ्न लाग्ने समय : मिनेट

भारतले दिल्ली स्थित पाकिस्तानी दुतावासमा कार्यरत आधा कर्मचारी निष्काशन गर्ने भएको छ ।

पाकिस्तानी दुतावासमा कार्यरत कर्मचारीहरुलाई जासुसी तथा आतकंवादीहरुसँगको सम्बन्धमा जोडिएको आरोप लगाउँदै भारतले देश निकालाको तयारी गरेको हो ।

भारतले पाकिस्तानको इस्लामावादस्थित भारतीय दुतवासमा कार्यरत कर्मचारीको संख्या पनि आधा कटौती गर्ने जानकारी भारतीय विदेश मन्त्रालयले दिएको छ ।

भारतको एकतर्फी निर्णयको पाकिस्तानी अधिकारीहरुबाट अहिलेसम्म कुनै आधिकारीक प्रतिक्रिया आएको छैन ।

भारतले तीन हप्ता अगाडि दुई जना पाकिस्तानी कुटनीतिज्ञलाई देश निकाला गरेपछि दुई देशबिचको सम्बन्ध फेरी चिसिएको छ ।

जवाफमा पाकिस्तानले पनि इस्लाबादस्थित भारतीय दुतावासमा काम गर्ने दुई जना कर्मचारीलाई प्रहरी नियन्त्रणमा लिएर सोधपुछ गरेको थियो ।

यो घटनालाई भारतले आफ्ना कर्मचारी इस्लाबादको सडकबाट अपहरणमा परेको भनेर प्रचार ग¥यो ।

तर उनीहरुले पैदलयात्रीलाई ठक्कर दिएकोले सडक दुर्घटनाको कानुन अनुसार सोधपुछ गरिएको पाकिस्तानको दावी थियो ।

दक्षिण एशियाका आणविक शक्ति सम्पन्न मुलुकहरु भारत र पाकिस्तानबिचको सदावहार विवादले क्षेत्रीय शान्ति, सुरक्षा र सम्बन्धमा नकारात्मक प्रभावहरु पारिरहेका छन् ।