Advertisement

राष्ट्रपतिद्वारा प्रतिनिधिसभा अधिवेशन आह्वान, प्रधानमन्त्री ओलीले विश्वासको मत लिने

बैठक वैशाख २७ गते सोमबारका दिन अपरान्ह १ः०० बजे


काठमाडाैं । राष्ट्रपति विद्यादेवी भण्डारीले वैशाख २७ गतेको लागि प्रतिनिधिसभाको अधिवेशन आह्वान गर्नुभएकाे छ ।

प्रधानमन्त्री केपी शर्मा ओलीले प्रतिनिधिसभामा विश्वासको मत लिने प्रयोजनका लागि अधिवेशन आह्वान गरिएको राष्ट्रपति कार्यालयले जनाएको छ ।

राष्ट्रपतिको कार्यालयका सहायक प्रवक्ता केशवप्रसाद घिमिरिले जारी गरेको सूचनामा भनिएको छ, ‘सम्माननीय राष्ट्रपति श्रीमती विद्यादेवी भण्डारीज्यूले नेपाल सरकार मन्त्रिपरिषद्‌को मिति २०७८/१/१९ को सिफारिसमा सम्माननीय प्रधानमन्त्रीले नेपालको संविधानको धारा १०० को उपधारा (१) बमोजिम आफूमाथि प्रतिनिधि सभाको विश्‍वास छ भन्‍ने कुरा स्पष्ट गर्न आवश्यक ठान्‍नु भएकोले सोही प्रयोजनका लागि नेपालको संविधानको धारा ९३ को उपधारा (१) बमोजिम सम्वत् २०७८ साल वैशाख २७ गते सोमबारका दिन अपरान्ह १ः०० बजे अन्तर्राष्ट्रिय सम्मेलन केन्द्र, नयाँ बानेश्वरमा प्रतिनिधि सभाको अधिवेशन आह्वान गर्नु भएको छ।’

तपाईंलाई यो सामग्री पढ्दा कस्तो लाग्यो ?

Advertisement