Advertisiment

फुटबलरको तलब वृद्धि


काठमाडौं । अखिल नेपाल फुटबल संघ (एन्फा) ले महिला र पुरुष फुटबल टोलीको तलब समान गर्ने गरी छलफल भइरहेको छ ।

एन्फा प्रवक्ता किरण राईका अनुसार खेलाडीको तलब वृद्धिसँगै महिला टोली र पुरुष टीमका खेलाडीको तलब समान गर्ने समेत छलफल भइरहेको छ ।

‘खेलाडी तलब वृद्धि हुन्छ । वृद्धि मात्रै होइन समान पनि गर्ने गरी गृहकार्य भइरहेको छ । समान काम हो किन घट बढी गर्ने भन्ने गरी छलफल चलिरहेको छ,’ प्रवक्ता राईले भने ।

उनले नेपाली समाज लोकतान्त्रिक पद्धतिमा गएको भन्ने नजिरका लागि पनि खेलाडीको तलब समान गर्ने योजनामा बनिरहेको बताएका छन् ।

अहिले एन्फाले खेलाडी र कर्मचारीको तलब बढाउने छलफल गरिरहेको छ ।

अब बढ्ने तलब खेलाडी र कर्मचारीहरुले साउनदेखिकै पाउनेछन् ।

अहिले पुरुष राष्ट्रिय टीमका खेलाडीले मासिक १५ हजार पाउँछन् भने महिला टोलीका खेलाडीले ७ हजार पाउँदै आएका छन् ।

अब खेलाडीको तलब बढ्दा २० हजार वा २५ हजार गर्ने गरी छलफल भइरहेको छ ।

तपाईंलाई यो सामग्री पढ्दा कस्तो लाग्यो ?

Advertisiment